Триумфаль җиңү!
27-28 октябрь көннәрендә Болгар шәһәрендә бадминтон буенча Татарстан Республикасы шәхси кубогының 3 нче туры узды. Турнирда республиканың 19 районыннан 256 спортчы катнашты.
Әлеге ярышлар безнең район спортчылары өчен триумфаль булды, чөнки безнең бадминтончылар берьюлы 8 медаль яулады.
Өч разрядта да призлы урыннарны Атауллин Руслан алды. Ялгыз разрядта – 3 урын, Галиханов Нияз белән бергә парлы разрядта – 2 урын, Түбән Кама спортчысы Шипкова Дарья белән бергә катнаш разрядта 3 урын. Нуриев Рияз ике разрядта призлы урыннар алды: Алексеевск районы спортчысы Мирзагалиев Айнур белән бергә парлы разрядта – 3 урын, ә парлы катнаш разрядта Түбән Кама спортчысы Имаева Алинә белән чемпион булды! Парлы разрядта 3 урынны яулаган кызларыбыз Әдилә һәм Моталипова Фариза да уңышлы чыгыш ясадылар.
Безнең бадминтончыларыбыз бер турнирда да мондый күп бүләкләр алганы булмады әле, ләкин безнең район спортчыларының мондый югары нәтиҗәләр барлык ярышларда да күрсәтелер дип өметләнәбез. Якындагы ярышлар-3 ноябрьдә «Акчарлак» спорт-сәламәтләндерү комплексында узачак команда чемпионаты һәм Татарстан Республикасы беренчелегенең зона этабы. Кама Тамагы Муниципаль Районы Барлык теләүчеләрне традицион рәвештә призлы урыннар өчен көрәшәчәк бадминтончыларны хупларга чакырабыз.
Ә бу ярышларга кадәр бер көн кала Кама Тамагы урта мәктәбенең актлар залында җирле " Кама Тамагы районы бадминтон федерациясе» иҗтимагый оешмасының оештыру конференциясе узачак. Әлеге чарада Татарстан Республикасы спорт министрлыгы һәм Татарстан Республикасы бадминтон федерациясе вәкилләре катнашачак. Бадминтон эшенә битараф булмаган барлык кешеләрне безнең район Бадминтон федерациясен оештыруда катнашырга чакырабыз. Чара 13: 30 сәгатьтә башлана.