ТР Кама Тамагы муниципаль районы Башлыгы каршындагы район җитәкчеләре, шәһәр һәм авыл җирлекләре башлыклары белән киңәйтелгән утырыш

10 сентябрь 2019 ел., сишәмбе

Бүген, 2019 елның 10 сентябрендә, Кама Тамагы муниципаль районы Советының утырышлар залында Татарстан Республикасы Кама Тамагы муниципаль районы Башлыгы каршындагы учреждение, предприятие һәм оешма җитәкчеләре, районның шәһәр һәм авыл җирлекләре башлыклары белән киңәйтелгән утырыш узды.

2019 елның 8 сентябрендә Татарстан Республикасы Дәүләт Советына депутатлар сайлауларын уздыру йомгаклары турында Кама Тамагы районы территориаль сайлау комиссиясе Рәисе Гыйльметдинов Илмир Илдус улы, Кама Тамагы муниципаль районы Советы Аппаратының Оештыру бүлеге башлыгы Сорокина Марина Владимировна хәбәр итте.

«2018-2019 уку елында балалар-яшүсмерләр спорт мәктәбенең эш йомгаклары һәм 2019-2020 елларга спорт мәктәбен комплектлау планнары турында»гы җентекле доклад белән Кама Тамагы муниципаль районының «Спорт мәктәбе» МБУ директоры Ильина Эльвира Альберт кызы чыгыш ясады.

Кама Тамагы муниципаль районының финанс-бюджет палатасы рәисе Ногманова Марина Александровна «2018 елда гражданнарның үзара салымы кысаларында җыелган акчаларны гамәлгә ашыру турында» дигән доклад белән чыгыш ясады.

Кама Тамагы муниципаль районы Башлыгы Вазыйхов Наил Альберт улы кыргый хайваннар белән бәйле торак пунктларда проблемалы мәсьәләләр һәм аларны җирлек башлыклары белән хәл итү ысуллары турында фикер алышты.

Үзара салым кертү буенча референдумны әзерләү һәм үткәрү турында мәгълүмат белән Кама Тамагы муниципаль районы Советы Аппаратының Оештыру бүлеге начальнигы Сорокина Марина Владимировна чыгыш ясады.

17 ноябрьдә Кама Тамагы районының шәһәр һәм авыл җирлекләрендә үзара салым кертү буенча референдум узачак.

ЯҢАЛЫКЛАРГА ЯЗЫЛУ
Сайттагы барлык материаллар лицензия буенча тәкъдим ителә:
Creative Commons Attribution 4.0 International
Яндекс цитирования