АгроСемЭксперт мәгълүмати платформасы Татарстан аграрийларына чәчү өчен кирәкле орлыкларның сортларын оператив рәвештә табарга мөмкинлек бирә

2019 елның 20 ноябре, чәршәмбе

Татарстан Республикасы Авыл хуҗалыгы һәм азык-төлек министрлыгы авыл хуҗалыгы җитештерүчеләренә Россельхозүзәк тарафыннан эшләнгән «АгроСемЭксперт» мәгълүмат платформасы аша орлыклар эзләү мөмкинлеге турында хәбәр итә, ул районда һәм республикада орлыкларның сыйфаты турындагы белешмәләрдән тәүлек буе файдалана алырга, кирәкле орлыкларны һәм сатучыларның контактларын эзләүне җиңеләйтергә, шулай ук орлык фондын әзерләү һәм тикшерү барышын контрольдә тотарга мөмкинлек бирә.

Программа шулай ук мәгълүматларны анализларга мөмкинлек бирә, бу орлыклар турындагы мәгълүматны җыюны һәм эшкәртүне шактый җиңеләйтә.

«Агросемэксперт» программасы смартфон һәм планшетлардан файдалану өчен оптимизацияләнгән.

Исегезгә төшерәбез, Татарстан Авыл Хуҗалыгы Үзәге тарафыннан үсемлекчелек өлкәсендә инновацион технологияләрне актив кертү 2014 елда башланды. Беренчеләрдән булып авыл хуҗалыгы товар җитештерүчеләренә сигнализация СМС-хәбәрләре рәвешендә хәбәр итү буенча хезмәт күрсәтү булды. Әлеге мәгълүмат ярдәмендә хуҗалыклар җитәкчеләре һәм агрономнары кырлардан мәгълүмат алалар һәм авыл хуҗалыгы культуралары чәчүлекләрендә зарарлы объектларга каршы саклау чараларын үз вакытында үткәрә һәм уңышны саклап кала алалар. Ел саен җибәрелгән хәбәрләр һәм абонентлар саны арта. 500 гектардан артык чәчү мәйданы булган хуҗалыкларга бу хезмәт бушлай бирелә. Хәзерге вакытта ул бик популяр һәм абонентлар саны 700 дән артык.

Шулай ук 2018 елдан бирле республика аграрийларына кырларга оператив ярдәм күрсәтү өчен WhatsApp «РСЦ - консультант» төркеме актив эшли. Авыл хуҗалыгы җитештерүчесе яки агрономга руппага керү өчен түбәндәге сылтама буенча гына узарга кирәк: https://chat.whatsapp.com/B4jisxri8YgGXNpOa1N85d.

ТР Авыл хуҗалыгы һәм азык-төлек министрлыгы матбугат хезмәте

ЯҢАЛЫКЛАРГА ЯЗЫЛУ
Сайттагы барлык материаллар лицензия буенча тәкъдим ителә:
Creative Commons Attribution 4.0 International