ЯҢАЛЫКЛАР


24
август 2018 ел.
җомга

22нче августта Россия Федерациясе Дәүләт флагы көнне Кама Тамагы һәм Тенеш поселокларында районның яшьләр һәм спорт бүлеге, МБУ "Форпост" директоры Татьяна Панчева  һәм волонтерлар тарафыннан флешмоб оештырылды һәм триколор тасмалары таратылды.

Безнең якташ, бөек драматург һәм җәмәгать эшлеклесе Туфан Миңнуллин туган көне уңаеннан,  Т.Миңнуллин исемендәге Түбән Кама дәүләт драма таетры, 24 августтан 29 августка кадәр «Кияуле кызлар кияве» спектаклен күрсәтергә планлаштырыла. Башлану вакыты 20:00. Керү бушлай.

 

2018 елның 29 августта сәгать 9дан 13кә кадәр Россия Федерациясенең  Татарстан Республикасы буенча тикшерү идарәсе тикшерү комитетының Югары Ослан районара тикшерү бүлеге җитәкчесе хокук саклау органнары хезмәткәрләренең нигезсез гамәлләре һәм сыйфатсыз медицина ярдәме күрсәтү мәсьәләләре буенча гражданнарны Татарстан Республикасы, Югары Ослан авылы, Чехов ур., 70нче йорт  адресы буенча кабул итә. Гражданнарны кабул итү буенча мәгълүмат, шулай ук язылу телефон буенча башкарыла: 8(843-79)2-24-97.


23
август 2018 ел.
пәнҗешәмбе

Шәхси хуҗалыкларда кәҗә асраучыларга субсидиянең кайчан биреләчәге мәгълүм булды. Бу хакта “Татар-информ” хәбәрчесенә ТР Авыл хуҗалыгы министрының икътисад һәм аграр үзгәрешләр буенча урынбасары Ришат Хәбипов әйтте. “Кәҗә асраучыларга бер кәҗә башына 1000 сум субсидия бирелә дип тәгаенләгән идек. Быел бит сыер асраучыларга ярдәм күләме традицион рәвештә 3 мең сум гына булмады. Сөт бәяләре төшә башлагач, бер сыер асраучыга – 2, ике сыер асраучыга – 3, өч башта күбрәк сыер асраучыларга 4 мең сум субсидия бирелде. Шуңа күрә безгә 27 млн сум акча җитми калды. Без бу сорау белән Президентка да мөрәҗәгать иттек. Дөрес, бүген бер баш кәҗә исәбеннән 300 сум акча бирергә була. Ә постановлениедә 1000 сум дип язылды. Президент белән килешү бар, 27 млн сум акчаны без аннан өстәмә рәвештә сорадык”, - диде министр урынбасары.

11 августта "Кама Тамагы" полиция бүлеге ветераннар Советы делегациясе  Россиянең Эчке эшләр министрлыгының муниципальара «Югары Ослан» бүлеге ветераннары белән очрашып җәмәгать эшләре турында фикер алыштылар.

«Нижневартовсктранспродукт» ҖЧҖ («ҖЧҖ НТП») квалификацияле, укылган пешекчеләр һәм кухня эшчеләре таләп ителә. Барлык эшкә урнашу сораулары буенча түбәндәге адрес буенча мөрәҗәгать итә аласыз: Тынычлык урамы, 8П, стр. 6,  Нижневартовск шәһәре, Ханты-Манси автономияле округы-Югра, Төмән өлкәсе. Телефон: 8(3466)29-65-47, 21-92-37.


22
август 2018 ел.
чәршәмбе

Татарстанда сөт сатып алу бәяләре стабильләшкән. Бу хакта “Татар-информ”га ТР Авыл хуҗалыгы матбугат хезмәте хәбәр итте. “1 июльдән сөт сатып алу бәяләре стабильләште, хәтта берникадәр үсеш тә күзәтелә”, - диелә министрлык хәбәрендә. - Бүген республиканың сөт эшкәртү предприятиеләрендә сөткә уртача бәя НДС белән 19,05 сумны тәшкил итә. Әмма бу сумма узган елның шушы чоры белән чагыштырганда, 3 сумга кимрәк.

Авыл хуҗалыгы һәм азык-төлек министры урынбасары Ришат Хәбипов Татарстанда савым сыерларының баш саны тотрыклану сәбәбен атады. Бу хакта ул бүген “Татар-информ”да узган матбугат очрашуында әйтте. “Республикада шәхси хуҗалыкларны үстерү буенча кабул ителгән закон бар. Ул закон нигезендә, шәхси хуҗалыкта мөгезле эре терлек сатып алганда берникадәр ярдәм каралган. Әйтик, мөгезле эре терлек сатып алганда – 15 мең сум, ә инде аны нәселле хуҗалыктан алган очракта, 20 мең сум бирелә. Чит төбәктән алып кайтылса, ярдәм 30 мең сумны тәшкил итә. Сатып алучы документын рәсмиләштерелергә тиеш. Аны авыл җирлеге башлыгы районның авыл хуҗалыгы идарәсенә илтеп, ул реестр белән килеп, без субсидияне кайтарып бирәбез.

Бүген музыка мәктәбендә тантаналы чара узды «Россия Федерациясе Дәүләт флагы көне» һәм акция «Мәктәпкә җыенырга ярдәм ит».  Чара сәгать 10:00 башланды. Сәламләү сүзе белән Кама Тамагы муниципаль районы урынбасары Газинур Габидуллин котлады һәм беренче сыйныф укучыларына һәм хәйрия акциясе кысаларында портфельләр һәм мәктәп кирәк-яраклары тапшырды.

Район балалар китапханә хезмәткәрләре «Салават күпере» балалар бакчасында тәрбияләнүчеләр өчен тарихи минутлар чарасы үткәрделәр. Чара барышында балалар өч төсле байракның барлыкка килү тарихы белән таныштылар. Шулай ук балалар  И. Агеева «Рәсәй байрагы - триколор», Ю. Поляков  «Рәсәй байрагы », С. Зайцева  «Ватан байрагы» шигырьләрен тыңладылар. Чара ахырында мастер-класс үткәрелде, анда  балалар кечкенә дәүләт байрагы ясадылар.


ЯҢАЛЫКЛАРГА ЯЗЫЛУ
Сайттагы барлык материаллар лицензия буенча тәкъдим ителә:
Creative Commons Attribution 4.0 International
Яндекс цитирования