Бүген Кама Тамагы муниципаль район башлыгы урынбасары Газинур Габидуллин район оешмалары җитәкчеләре, җирлек башлыклары белән киңәйтелгән киңәшмә үткәрде. Рәсимә Идиятова Кама Тамагы районы туган якны өйрәнү музееның 2017 эшләгән эшләре һәм 2018 елга планнары белән таныштырып китте. Алексей Ананьев кече суднолар инспекторлык участогының 2017 елдагы эшчәнлеге , 2018 елда алда торган бурычлар хакында һәм суда кешеләрнең куркынычызлыгын тәэмин итү турында сөйләде. Киңәшмәнең икенче өлешендә үзара салым акчасын җыю, башка мәсәләләр турында сүз барды.