"Комсомол нәрсә ул?"- Комсомол лидеры Гөлзадә Дәүләтшина белән ретро-очрашу
Кама Тамагы муниципаль районының Җирлекара үзәк китапханәсе Кама Тамагы татар урта мәктәбе белән берлектә мәктәп укучылары өчен яшьлеге Комсомол белән бәйле Гөлзадә Әхмәт кызы Дәүләтшина белән ретро-очрашу оештырдылар. Чара комсомолның 100 еллыгына багышланган.
Балалар кунакка Пионерия, Комсомол һәм партия белән бәйле искиткеч еллар турында якты хатирәләрне игътибар белән тыңладылар.
Алып баручылар Адилә Гарифуллина һәм Алисә Хәйруллина-8 сыйныф укучылары «комсомол нәрсә ул? " дигән сорауга җавап бирергә тырыштылар. Укчылар: Камилә Әскәрова, Илүзә Биктимирова, Илсаф Зәйнуллин, Алинә Миннебаева, Зөбәрҗәт Шәрифуллова «комсомол билеты», «мине комсомолга языгыз» һ. б. шигырьләрен сөйләделәр.
Очрашу ахырында укучыларга «минем йөрәгемдә Комсомол " дигән күргәзмә-хатирәләр тәкъдим ителде. Барлык катнашучылар да Гөлзадә Әхмәтовнадан юбилей календарьларын алдылар.