Кеше хезмәт белән данлыклы!
Бүген, 3 гыйнвар көнне, Дербышева Нина Дмитриевнаны 90 яшьлек юбилее белән Башкарма комитет җитәкчесенең социаль мәсьәләләр буенча урынбасары Елена Владимировна Сороковнина һәм Кама Тамагы шәһәр тибындагы поселогы башлыгы урынбасары Владимир Павлович Сороковнин котладылар. Нина Дмитриевнага чәчәкләр, истәлекле бүләкләр һәм РФ Президенты В. В. Путиннан котлаулар тапшырылды.
Кама Тамагы поселогында яшәүче Нина Дмитриевна Дербышева (кызлыкта Гусева )1929 елның 3 гыйнварында Кама Тамагы районының Сөйки авылында крестьян гаиләсендә туа. Үсә төшкәч, әнисенә тагын дүрт кече сеңелне үстерергә булышкан. Әтисен 1941 елның декабрендә фронтка чакыралар. Нина Дмитриевнаның истәлекләренә караганда, зур хуҗалык алып барган бабасы ярдәмендә исән калган.
Сөйки мәктәбенең 7 сыйныфын тәмамлагач, колхозга эшкә китә. 1944 елның октябрендә Кама Тамагы районының «Волжский горняк» артельына бухгалтер-сәркатиб вазыйфасына укырга керә.
1946 елның декабрендә әтисе сугыштан әйләнеп кайта һәм гаилә Кама Тамагына күчә. Эш өйдә дә, колхозда да җитә, чөнки гаиләдә алты бала була.
1951 елның сентябрендә Кама Тамагы Прокуратурасына секретарь-машинисткага кабул ителә, анда 1959 елга кадәр эшли.
1959 елда ире һәм ике кызы белән Тольятти шәһәренә (элеккеге Ставрополь) күчәргә карар кыла. Анда Нина Дмитриевна 23 ел, лаеклы ялга чыкканчы, «Волгопромвентиляция» Тольятти монтаж идарәсендә склад мөдире булып эшләгән.
Хезмәт эшчәнлеге өчен предприятие җитәкчелегеннән бик күп Рәхмәт хатлары, Мактаулы грамоталары, аның исеме идарәнең Мактау китабына кертелгән, шулай ук «идарә ветераны» юбилей медале, «В. И. Ленин тууына 100 ел тулу уңаеннан Фидакарь хезмәт өчен» юбилей медале, " В. И. Ленин исемендәге Волжск автомобиль заводы Пуск хөрмәтенә истәлекле медаль белән бүләкләнгән. СССРның 50 еллыгы «Коммунистик хезмәт ударнигы»исеме бирелә.
Тыл хезмәтчәне буларак Бөек Ватан сугышында Җиңү көненә юбилей даталары буенча бүләкләргә ия.
2012 елның көзендә ире Александр Михайлович белән туган ягына, Кама Тамагына кайталар. Хәзер алар уңайлы фатирда, өлкән кызлары Татьяна карамагында яшиләр. 4 оныгы, 2 оныкчыгы һәм 3 оныкчыгы бар.