"Батырлык дәресе"
2019 елның 19 гыйнварында Кама Тамагы урта мәктәбенең актлар залында "Батырлык дәресе" булып узды. Әлеге чарада Кама Тамагы районының «Форпост» хокук бозуларны кисәтү буенча мәктәп отрядлары һәм «ЮНАРМИЯ» отрядлары катнашты. Әлеге чара яшь буынга патриотик тәрбия бирүгә юнәлтелгән һәм гаскәрләрне Әфганстаннан чыгаруга 30 ел тулуга багышланган иде. Татарстан Республикасы буенча Россия десантчылар союзы Казан шәһәре һәм Татарстан Республикасының диңгез пехотчылары берлеге вәкилләре балаларга армиядә хезмәт итү, шулай ук хәрби хәрәкәтләрдә, Беренче, Икенче Чечен компаниясендә һәм Югославиядә катнашу турында сөйләделәр. Һава десант гаскәрләрендә һәм диңгез пехотында хезмәт итү турында роликлар, шулай ук палаткалы лагерьда яшьләр белән эшләү турында видеороликлар, күнегүләр җыюлары күрсәтелде. Иң матур ролик парашют белән сикерү турында булды. Шулай ук «Зәңгәр каен»Төркеме җырлары да башкарылды. Чара формаль булмаган һәм дустанә шартларда узды, күп кенә егетләр һәм кызлар элиталы гаскәрләрдә хезмәт итү белән кызыксындылар. Безнең кунаклар армия сафларында хезмәт итәргә теләве турындагы сорауга безнең егетләр барысы да кулларын күтәрделәр, бу куандыра, чөнки аларның практикасында әлегә беренче тапкыр булды, дип билгеләп үтте. Бик зур рәхмәт безнең кунакларга кызыклы очрашу өчен!