Казанда беренче тапкыр 19 яшькә кадәрге яшүсмерләр арасында бадминтон буенча дөнья беренчелеге уза

2019 елның 2 октябре, чәршәмбе

2019 елның 30 сентябреннән 13 октябренә кадәр Казанда беренче тапкыр 19 яшькә кадәрге яшүсмерләр арасында бадминтон буенча дөнья беренчелеге уза. Турнирда дөньяның 55 иленнән 400 дән артык спортчы катнашачак.

Татарстан Республикасы бадминтон федерациясе район җанатарларын 5 октябрьдә узачак дөнья беренчелегендә катнашырга чакыра, Бөтен дөньядан перспективалы яшь бадминтончылар уенын күзәтеп тору мөмкинлеге Кама Тамагы районында бадминтонны үстерү өчен стимул һәм этәргеч булачак.