Татарстан Республикасының аерым закон актларына үзгәрешләр кертелде
«Балигъ булмаганнарга тотрыксыз никотин булган продукцияне, никотин китерүнең электрон системаларын сатуны тыю һәм Татарстан Республикасының аерым закон актларына үзгәрешләр кертү турында» Татарстан Республикасы законы (106-ТРЗ Татарстан Республикасы Дәүләт Советы тарафыннан 2019 елның 24 декабрендә кабул ителде).
Әлеге Закон «Россия Федерациясендә гражданнарның сәламәтлеген саклау нигезләре турында» 2011 елның 21 ноябрендәге 323-ФЗ номерлы Федераль закон һәм «Россия Федерациясендә бала хокукларының төп гарантияләре турында» 1998 елның 24 июлендәге 124-ФЗ номерлы Федераль закон нигезендә, гражданнарның сәламәтлеген саклау һәм яклау максатларында, Татарстан Республикасы территориясендә 18 яше тулмаган затларга никотин китерүнең электрон системаларын сатуны тыюны билгели.
Балигъ булмаганнарга сыйфатсыз никотин китерүнең электрон системаларын, шулай ук балигъ булмаганнарны сыйфатсыз никотинлы продукция куллануга җәлеп итүне тыюны бозу гражданнарга – өч меңнән биш мең сумга кадәр; вазыйфаи затларга – утыз меңнән илле мең сумга кадәр; юридик затларга йөз меңнән йөз илле мең сумга кадәр административ штраф салуга китерә.