Кырлардан хәбәр: Татарстан Республикасы Авыл хуҗалыгы һәм азык-төлек министрлыгы контролендә көзге культуралар белән вәзгыять
Татарстан Республикасы Авыл хуҗалыгы һәм азык-төлек министрлыгы тарафыннан кышкы чорда җирләрнең һәм көзге культураларның, шулай ук күпьеллык үләннәрнең уңдырышлылыгын саклауга зур игътибар бирелә.
Татарстан Республикасы Авыл хуҗалыгы һәм азык-төлек министрлыгының оператив мәгълүматы буенча, 2021 елның 11 гыйнварына көзге бөртекле культуралар 552 мең га мәйданда чәчелгән. Шуның 435 мең га - көзге бодай һәм 111,5 мең га - көзге арыш.
Быел мәйданнарның 42%ы оригиналь һәм элиталы орлыклар белән чәчелгән. Уҗым культуралары чәчүлекләренең 98 %тан артыграгы яхшы дип бәяләнә. 94 мең га уҗым культуралары мәйданнары иминиятләштерелгән.
Республика кырларында кар капламының биеклеге 23-52 см, Азнакай һәм Бөгелмә районнарында - 17-19 см.
«Россельхозцентр»ның Татарстан Республикасы филиалы белгечләре кырларның гомуми торышын билгеләү максатларында көзге культуралар чәчүлекләрен сайлап алып тикшерделәр.
Уҗымнарны кышлату яхшы һава шартларында бара. Шулай ук шикәр бөгү төеннәрендә югары (26-36%) булуы, алар вегетация башланганчы сакланышын тәэмин итәргә тиеш.