Татарстанда өлешләп катнашу шартнамәләре саны 70%ка артты
2021 елның беренче ике аенда Татарстан Росреестры тарафыннан өлешләп катнашу өчен 3 350 килешү теркәлгән. Бу былтыргыга караганда 70%ка диярлек күбрәк: 2020 елда шундый ук вакыт аралыгында 1 987 ДДУ теркәлгән. Шул ук вакытта эскроу-счетлар кулланып өлешләп катнашу шартнамәләре саны быел 3,5 тапкырга арткан - 608 дән 2 126га кадәр.
"Гадәттә гыйнвар-февраль, традиция буенча, чагыштырмача тыныч айлар дип санала. Быел ситуация капма-каршы: ел башына карамастан, республикабыз халкының төзелә торган йортларда фатирлар сатып алуын күрдек, дип шәрехли Татарстан Республикасы буенча Росреестр идарәсе җитәкчесе урынбасары Лилия Борһанова.
Лилия Борһанова фикеренчә, өлешле катнашу өлкәсен үстерү өчен этәргеч төрле ипотека продуктларын үстерү, шул исәптән еллык 6,5%лы ташламалы ипотека дәүләт программасы да, шулай ук законнарның перманент үзгәрешләре аркасында да (аерым алганда, төзелеш алып баручыларның эскроу-счетларын куллануга мәҗбүри күчү), өлешле төзелештә катнашучылар үзләрен күбрәк якланган итеп хис итә ала.