Халык өчен мәгълүмат
01.01.2021 елдан Россия Федерациясе бюджет системасы бюджетларына салымнар, җыемнар һәм башка мәҗбүри түләүләр буенча бурычлары булган гражданнарга социаль ярдәм чараларын бирү тәртибенә үзгәрешләр кертелде.
1. Салымнар, җыемнар һәм башка мәҗбүри түләүләр алучының РФ бюджет системасы бюджетларына (алга таба салым бурычы) бурычлары булганда, түбәндәге социаль ярдәм чаралары билгеләнми:
- юлларга айлык акчалата түләү;
- бала туганда авыл җирендә, шәһәр тибындагы поселокларда даими яшәүче хатын-кызларга бер тапкыр түләнә торган түләү;
- 18 яшькә кадәрге биш һәм аннан да күбрәк баласы булган, әти-әниләренең берсе генә булса да инвалид һәм (яисә) бер генә баласы булса да инвалид бала булган гаилә әгъзаларына ай саен бирелә торган пособие;
- бер үк вакытта өч һәм аннан да күбрәк бала тугач, бер тапкыр бирелә торган пособие;
-яшь ярымга кадәрге өч һәм аннан да күбрәк бала тәрбияләүче гаиләләргә айлык пособие;
2. Салым бурычын алучының 18 яшькә кадәрге, даими чит тәрбиягә мохтаҗ булган (ярдәм, күзәтчелек) инвалид балаларга айлык акчалата түләве билгеләнми, ә инде билгеләнгән түләүне бирү туктатыла.
3. Салым бурычын алучының түбәндәге түләүләрне билгеләү турындагы гаризасын карау мөрәҗәгать итүче тарафыннан бурыч түләнгәнчегә кадәр туктатыла, әмма ул 90 көннән дә артмый:
- айлык акчалата түләү (хезмәт ветераннары; ТР дәүләт бүләкләре белән бүләкләнгән затлар; Тыл хезмәтчәннәре; реабилитацияләнгән гражданнар; сәяси репрессияләрдән зыян күргән гражданнар)
- балага айлык пособие;
даими файдалануга, радиога, коллектив антеннага бирелгән теркәлгән телефон элемтәсе челтәренең абонент линиясе өчен түләү чыгымнарын каплауга субсидия;
- субсидия - торак урыны һәм коммуналь хезмәтләр өчен түләүгә ташлама;
- күпфатирлы йортта гомуми милеккә капиталь ремонт өчен кертем түләүгә чыгымнарны компенсацияләү;
-реабилитацияләнгән гражданнарга телефон урнаштыру чыгымнарын каплау;
-тәрбиягә алган балаларны да кертеп, 18 яшькә кадәрге өч һәм аннан күбрәк баласы булган гаиләләрдән балаларга субсидияләр;
- хроник бөер җитешсезлегеннән интегүче затларга һәм онкологик авырулардан интегүче затларга йөрүне компенсацияләү.
Граждан түләүләрне туктатып тору турында хәбәрнамәдән соң 90 көн эчендә салым бурычын каплаган булса, түләүләр яңадан карала. Шул ук вакытта ул аны бирү туктатылган айлар өчен дә түләнә.
Әгәр граждан 90 көн дәвамында салым бурычын түләмәгән булса, аңа түләүне билгеләүдән баш тарту турында карар чыгарыла.