Шахмат зонасын ачу

2021 елның 16 апреле, җомга

“Мәгариф” илкүләм проектын үстерү максатларында Татарстан Республикасында мәгариф оешмаларында шахмат зоналары булдыру буенча махсус партия проекты старт алды. Әлеге проект кысаларында 16 апрель көнне Кама Тамагы урта мәктәбендә шахмат зонасы ачылды.

Тантанада Кама Тамагы муниципаль районы башлыгы Наил Альберт улы Вазыхов катнашты. Мәктәп коллективы алтынчы чакырылыш ТР Дәүләт Советы депутаты Илшат Рәфкать улы Гафуров проектын гамәлгә ашыруда ярдәм иткәне өчен рәхмәт белдерә.