Татарстанда ашлык киптерү комплекслары төзелә
Татарстанның Кама Тамагы, Югары Ослан, Лениногорск һәм Теләче районнарында «Август-Агро» ИКнең урып-җыю вакытына ашлык чистарту-киптерү комплекслары төзелә. Объектлар агрофирмалар ашлыгының чисталыгын һәм сакланышын тәэмин итәчәк.
Комплекслар төзелеше барышы турында «Август-Агро» ИКнең генераль директорының саклау һәм эшкәртү буенча урынбасары Фәрит Гыйрфанов сөйләде:
- “Август-Теләче”дә төзелеш эшләре Әнәк авылы янында башланды. Фундаментлы эшләрне тәмамлыйбыз, металл конструкцияләрен җыю бара. Газүткәргеч салуны тәмамлыйбыз.
«Август-Кама Тамагы» агрофирмасында ашлык чистарту-киптерү комплекслары ике мәйданчыкта төзелә: Зур Салтык һәм Мәйдан. 1 июньгә бетон эшләрне тәмамларга планлаштырабыз, хәзер металл конструкцияләр җыюга керешәбез. Бу ашлык чистарту-киптерү комплексларында аротка складлары булачак.
«Август-Лениногорск»га килгәндә, биредә «Каркали» комплексын реконструкцияләү төгәлләнеп килә: беренчел һәм икенчел чистарту машиналары урнаштырылган, мәйданчык буенча бетон эшләр алып барыла. Бу көннәрдә икенче ашлык киптерү комплексы монтажлана башлады.
Һәр ашлык чистарту-киптерү комплексына газ, электр, керү юллары китерәбез. Барлык мәйданчыкларда да эш янәшәсендәге территорияне төзекләндерү проекты буенча алып барыла.