Физкультура укытучысы көне

2021 елның 13 августы, җомга

Бөтенроссия физкультура укытучысы көне алдыннан, 2021 елның 13 августында Үзәк стадионда штп. Кама Тамагы тантаналы чара узды. Башкарма комитет җитәкчесе Ринат Марат улы Заһидуллин җыелучыларны һөнәри бәйрәмнәре белән котлады һәм Рәхмәт хатлары тапшырды.

Әлеге чара кысаларында яшь гимнасткалар чыгыш ясады, Кама Тамагы муниципаль районында Физкультура көненә багышланган яшел фитнес һәм мини-футбол буенча ярышлар узды. Спорт бәйрәмендә районыбызның актив спортчылары билгеләп үтелде.

Чараны оештыручыларга аерым рәхмәт.