Россия халыкларының мәдәни мирасы елы кысаларында Үзәк китапханә хезмәткәрләре «Кама Таңнары» оешмасының ял итүчеләр өчен «Гжель – халык байлыгы» дип исемләнгән танып – белү сәгате һәм «Гжель мотивлары» дигән мастер-класс үткәрделәр.
«Гжель — халык байлыгы» дигән чарада катнашучылар Русьтә гжел эшләнмәләренең барлыкка килү тарихы, савыт-саба һәм интерьер әйберләре ясау серләре, традицияләре һәм технологияләре турында белделәр. Чарага күргәзмә әзерләнгән иде, анда китаплар, гжель эшләнмәләр тәкъдим ителде.
Соңыннан катнашучылар гжель стилендә кәгазьдән импровизацияләнгән чәйнекне бизәделәр.