Салтыган авылында Авыл көне

2022 елның 1 августы, дүшәмбе

2022 елның 30 июлендә Уразлы авыл җирлегенең Салтыган авылында Авыл көне билгеләп үтелде. Бәйрәм барлык катнашучыларны да төрле тәм-томнар белән генә түгел, ә авыл халкының якты иҗаты белән дә сөендерде.

Авыл мәдәният йорты үзешчәннәре концерт программасы әзерләделәр. Импровизацияләнгән уен һәм спорт мәйданчыкларында түбәндәге ярышлар узды: биек баганага менү, шатлык бүрәнәсе буенча йөрү, аркан тарту, капчык белән сугышу, көянтә белән йөгерү, чүлмәк вату.