Гаиләләр һәм балалар өчен социаль ярдәм чаралары
2022 елда Кама Тамагы районы балалары булган гаиләләргә социаль ярдәмгә 70 млн.сумнан артык акча бүлеп бирелгән. Аларның бер өлеше-федераль акчалар, бер өлеше - республика акчалары. Соңгы елларда демография проблемага зур игътибар бирелә, узган ел түләүләрнең күп өлеше балалы гаиләләргә ярдәм итүгә юнәлдерелгән. Узган ел барлыгы 1500 гаилә социаль ярдәм сорап мөрәҗәгать иткән. Бүгенге көндә социаль түләүләрнең күп өлеше автоматлаштырылган, ягъни теге яки бу түләүгә гаризаны өйдән чыкмыйча гына электрон рәвештә тапшырырга мөмкин.
Узган ел беренче бала туу һәм 3 яшькә җитү белән бәйле айлык пособие (беренче балага пособие). районда яшәүче 226 хатын-кызга билгеләнгән. Узган ел 19 хатын-кыз 50 мең сум күләмендә бер тапкыр бирелә торган акчаны алган, 1 хатын-кыз 100 мең сум күләмендә бер тапкыр бирелә торган акчаны алган. 3-7 яшьлек балаларга айлык пособие 1043 гаиләгә билгеләнгән. Узган ел 3 яшькә кадәрге балаларга елына 10 мең сумлык даруларга электрон сертификат сорап 104 гаилә мөрәҗәгать иткән.
Өстәмә рәвештә хәбәр итәм, 2023 елның гыйнварыннан балалары булган гражданнарга бала туу һәм тәрбияләү белән бәйле айлык бердәм пособие бирү каралган, аның түләүләрен гамәлгә ашыру вәкаләтләре Россия Социаль фондына йөкләнгән (2023 елның 1.01.2023 – Россия Федерациясе Пенсия һәм социаль иминиятләштерү фонды) социаль яклау органнары тарафыннан 1.01.2023 тә билгеләнү турында гаризалар кабул итү туктатыла түбәндәге социаль ярдәм чаралары:
- беренче бала туу (уллыкка алу) белән бәйле айлык түләү;
- 3 яшьтән 7 яшькә кадәрге балага айлык акчалата түләү;
- 16 яшькә кадәрге балага айлык пособие (гомуми белем бирү оешмасында укучы өчен - аларга уку тәмамланганчы, әмма 18 яшькә җиткәнче генә).