"Җир сәгате" экологик акциясе

2023 елның 23 марты, пәнҗешәмбе

Ел саен Россия Федерациясе Табигый байлыклар һәм экология министрлыгы инициативасы белән Татарстан Республикасы Экология һәм табигый байлыклар министрлыгы республика территориясендә экология, табигый байлыкларны һәм әйләнә-тирә мохитне саклау проблемаларына игътибар җәлеп итү максатыннан «Җир сәгате» экологик акциясен үткәрә.

Шуңа бәйле рәвештә әлеге акцияне үткәрүне хупларга һәм 2023 елның 25 мартында шимбә көнне 1 сәгатькә (20 сәгать 30 минуттан 21 сәгать 30 минутка кадәр) административ биналарны архитектура-декоратив яктыртуны һәм дежур яктыртуны, шулай ук гражданнарның тормыш иминлеген тәэмин итү белән бәйле булмаган башка объектларны яктыртуны һәм электр җайланмаларын сүндерергә тәкъдим итәбез.