Татарстанда 295 ветеран бер тапкыр бирелә торган түләү алачак Бөек Ватан сугышында Җиңүнең 78 еллыгына
Россия Социаль фондының Татарстан Республикасы буенча бүлеге апрель аенда ук Бөек Ватан сугышында катнашучы 248 кешегә һәм 47 инвалидка Җиңү көненә ел саен 10 мең сум күләмендә түләячәк. Татарстан ветераннары бер тапкыр бирелә торган түләүне апрель ае өчен пенсия белән бер үк вакытта алачак.
Владимир Путин йөкләмәсе нигезендә, 2019 елдан башлап, Россиянең социаль фонды ел саен Җиңү Көненә Бөек Ватан сугышында катнашучыларга һәм инвалидларга бер тапкыр бирелә торган түләүләр башкара. Мондый адреслы ярдәм ветераннар өчен генә түгел, безнең өчен дә мөһим һәм әһәмиятле. Ул якташларыбызга илебез өчен авыр вакытларда күрсәткән батырлыклары һәм фидакарь хезмәтләре өчен рәхмәт белдерергә һәм аларга беркем дә һәм бернәрсә дә онытылмаган дип әйтергә мөмкинлек бирә», – дип ассызыклады Татарстан Республикасы буенча СФР бүлекчәсе идарәчесе Эдуард Вафин.
Җиңүнең 78 еллыгына түләү Татарстанның ОСФРДА булган мәгълүматлар нигезендә белдерүсез бирелә. Ветераннарга, аларның якыннарына яки вәкилләренә нинди дә булса гаризалар бирергә һәм Россия Социаль фондының республика бүлекчәсенең клиент хезмәтләренә мөрәҗәгать итәргә кирәкми.