Коррупциягә киртә

“Кама Тамагы үзәк район дәваханәсе” дәүләт автоном учреждениесе ТР Сәламәтлек саклау министрлыгының «2012-2014 елларга Татарстан Республикасында корруциягә каршы сәясәтне тормышка ашыру турында»гы 2012 елның 14 ноябрендәге 1480нче  максатлы программасы нигезендә, сәламәтлек саклау өлкәсендә коррупциягә каршы сәясәтне тормышка ашыру буенча планлы эш алып бара.
“Кама Тамагы үзәк район дәваханәсе” дәүләт автоном учреждениесендә, шулай ук ведомство карамагындагы учреждениеләрдә коррупция, ришвәтчелек белән көрәш буенча комплекслы чаралар планы эшләнгән һәм райондагы сәламәтлек саклау учреждениеләрендә коррупциягә каршы комиссия составы расланган.
– Коррупциягә каршы тору буенча комиссия утырышларында нинди мәсьәләләр карала?
– Коррупциягә каршы  юнәлештәге мәсьәләләр  даими контрольдә тора. 2012 елда комплекслы план нигезендә, “Кама Тамагы үзәк район дәваханәсе” дәүләт автоном учреждениесе коррупциягә каршы сәясәтне тормышка ашыру буенча  даими эш төркеменең 4 утырышы үткәрелде. Анда түбәндәге мәсьәләләр   тикшерелде:
-коррупцион хокук бозуларны кисәтү буенча дәвалау учреждениеләренең эш йомгаклары;
– сәламәтлек саклау учреждениеләренең түләүле медицина  хезмәте күрсәтү тәртибе;
-техник бирем әзерләү тәртибе, 94нче Федераль закон нигезендә торг  үткәрү;
-“Сәламәтлек” өстенлекле милли проектын тормышка ашырганда килеп чыккан коррупция фактлары һәм шартларын бетерү эшләре торышы;
-ришвәт фактлары буенча Кама Тамагы муниципаль районында яшәүчеләрнең шикаятьләрен карау эше.
-Сәламәтлек саклау учреждениесендә  пациентлар  өчен коррупциягә каршы мәгълүматлар стенды бармы?
-Һәр сәламәтлек саклау учреждениесендә  коррупциягә каршы стендлар, шулай ук коррупцион хокук бозулар турында хәбәр итү өчен ящиклар бар. Мәҗбүри медицина иминләве кысаларында түләүсез медицина хезмәте күрсәтү, шулай ук түләүле медицина хезмәтләре турында пациентлар өчен мәгълүматлар эленгән, кирәк булганда мәгълүматлар яңартылып тора. Медицина персоналының законсыз гамәлләре турында мәгълүматлар алу  өчен дәваханәдә “ышаныч телефоны” бар: (2-10-35).
Медицина ярдәменең сыйфатына мониторинг үткәрелә, шул ук вакытта медицина хезмәткәрләренең коррупциягә кагылышы тикшерелә. Пациентлар арасында медицина ярдәме күрсәтү, аларның хокукларын һәм иреген саклау, медицина учреждениесе хезмәткәрләренең этика һәм деонтологияне саклавы буенча анкеталаштыру үткәрелә.
-Түләүле медицина хезмәте күрсәтүгә мониторинг үткәреләме?
-Өстәмә рәвештә беренчел медицина документында планлы амбулатория тикшерүе һәм ОМС чираты буенча эшләүгә мәгълүмати килешү, шулай ук үз хисабыңа түләүле нигездә планлы амбулатория тикшерүенә мәгълүмати килешү кәгазе кертелде. Барлык дәвалау-кисәтү учреждениеләрендә түләүле медицина хезмәте күрсәтүгә мониторинг даими үткәрелә.
Коррупциягә юл куймау өчен, финанслау чыганагына бәйсез рәвештә, медицина җиһазларына, материаллар һәм даруларга, эшләр башкаруга муниципаль килешүләр, контрактлар төзү 2005 елның 21 июлендәге «Дәүләт һәм муниципаль ихтыяҗлар  өчен товар кайтартуга, эш башкаруга, хезмәт күрсәтүгә заказлар урнаштыру турында”гы 94нче ФЗ нигезендә үткәрелә.
Атна саен баш табиб һәм аның урынбасары шәхси сораулар буенча кабул итәләр. Кабул ителгән мөрәҗәгатьләрдә медицина хезмәткәрләре арасында коррупция фактлары турында мәгълүматлар юк. Мөрәҗәгатьләрдә барыннан да элек  кадрлар мәсьәләсе (эшкә урнашу), медицина ярдәме күрсәтү, түләүле дәвалану һәм дарулар белән тәэмин итү турындагы сораулар күтәрелә.
Кама Тамагы муниципаль районы сайтында “Сәламәтлек саклау” бүлеге булдырылган. Дәваханәнең электрон визит карточкасы рәсмиләштерелгән, анда телефон номерлары белән учреждениенең җитәкчесе, аның урынбасарлары, табибларның эш графигы, дәвалау- авыруларны кисәтү учреждениесендә түләүле хезмәтләр күрсәтү тәртибе, баш табиб һәм аның урынбасарларының гражданнар кабул итүе турындагы мәгълүматлар күрсәтелгән. Массакүләм мәгълүмат чаралары вәкилләре белән үзара эшләү  оештырылган, шул исәптән коррупциягә каршы тору буенча чаралар турында да. Дәвалау- авыруларны кисәтү учреждениесендә коррупциягә каршы тору буенча гамәлләрне кисәтү һәм ачыклау максатларында бинаның эчендә дә, тышкы якта да видеокүзәтү кую планлаштырыла.
Форсаттан файдаланып,  районда яшәүчеләргә иминлек, сәламәтлек, беркайчан да авырмауларын телим!

Ильяс Миңневәлиев, үзәк район сырхауханәсе баш табибе