Кама Тамагы укучылары «Батарейка тапшыр – керпене коткар»акциясендә катнаштылар
Кама Тамагы укучылары 17 октябрьдә «экологик иминлек» илкүләм проекты буенча гамәлгә ашырыла торган туклану элементларын җыюга багышланган «Батарейка тапшыр – керпене коткар»акциясен уздырып, экологик марафонга старт бирделәр.
Балалар тырышлыгы белән 11 килограмм куркыныч калдыклар җыеп алынды, аларны чүплеккә эләгүдән һәм әйләнә-тирә мохиткә потенциаль зыян китерүдән саклап калдылар. Чүп-чарга гамьсез генә ташланган бер бармак батареясы 20 квадрат метрга кадәр җирне агуларга сәләтле бит-бер керпе, ике тычкан һәм исәпсез-хисапсыз яңгыр суалчаннары яши алырлык территория.
«Экологик иминлек» милли проекты әйләнә-тирә мохит турында кайгырта һәм аны кешеләр тормышы өчен уңайлы итә. Эш берьюлы берничә юнәлеш буенча алып барыла: калдыкларны сортларга аеру һәм эшкәртү өчен инфраструктура булдыру, чүплекләрне бетерү һәм сулыкларны чистарту, урманнарны саклау, атмосферага чыгарып ташлауларны киметү, экологик туризмны үстерү һәм биологик төрлелекне саклау.