Кама Тамагы муниципаль районы

Кама Тамагы муниципаль район башлыгы Зөфәр Гарәфиев “Россия пенсионерлар союзы” иҗтимагый оешмасы җирле бүлекчәсенең отчет-сайлау җыелышында катнашты

2013 елның 2 декабре, дүшәмбе

Узган атнада район мәдәният йортында Кама Тамагы муниципаль районы буенча “Россия пенсионерлар союзы” иҗтимагый оешмасы җирле бүлекчәсе отчет-сайлау җыелышы үткәрде.

Анда муниципаль район башлыгы Зөфәр Гарәфиев, Кама Тамагы һәм Апас районнары буенча пенсия фонды идарәсе җитәкчесе Илмир Гыйлметдинов катнашты, шулай ук район торак пунктларыннан актив пенсионер да чакырылган иде.

Ел саен пенсионерлар сафы арта бара. Бу актлар залындагы урыннар буенча да сизелә. Элек зал яртылаш кына тула иде, дип билгеләп утте җирле бүлекчә рәисе. Фәүзия Иванова.

Чараны пенсия фонды идарәсе җитәкчесе Илмир Гыйлметдинов ачты, ул ел дәвамында дәүләт үткәргән пенсия реформалары, фонд тарафыннан күрсәтелүче хезмәтләр турында сәйләде. Аннан соң Фәүзия Ивановага бирелде. Ул ел дәвамында башкарылган эшләргә отчет ясады, пенсионерларның кыскача нинди чараларда катнашуы, аларның сәламәт яшәү рәвеше алып барулары, мәдәни-агарту эшләре, җиңүләре, киләсе елга планнар белән таныштырды. Аннан соң сүз район ветераннар советы рәисе Ирания Сәгдиевага бирелде. Ул нәтиҗәле хезмәте, тырышлыгы,максатка юнәлешле эшләве, оештыру сәләте өчен Фәүзия Ивановага рәхмәт белдерде. Аннан соң фикер алышуга күчтеләр. Чыгыш ясаучылар шактый куп иде. Таучылар поселыгыннан пенсионер Людмила Носкова чыгышы аеруча җылы булды, ул пенсионерларга җылы мөнәсәбәте, аларны актив тормыш белән яшәүгә тартуы өчен зур рәхмәт белдерде. Шулай ук элекке хәрби хезмәткәр Кама Тамагында яшәүче пенсионер Владимир Сороковнин чыгышы да истә калды. Владимир Повлович поселокта төзекләндерү планында башкарылган эшләр өчен район башлыгы Зөфәр Гарәфиевка рәхмәт белдерде.

Елгачылар поселыгы пенсионеры, “Волҗанка” ветераннар хорында катнашучы Александр Захаров шулай ук соңгы вакытта райондагы уңай үзгәрешләр өчен район башлыгына рәхмәт белдерде. Ул Столяров исемендәге клубта капиталь ремонт үзенчәлекләренә тукталып, әлеге мәдәният учагына аз гына булса да игътибар бирүләрен сорады.

Пенсионерлар союзының җирле бүлекчәсе эшенә Зөфәр Гарәфиев йомгак ясады. Пенсионерларның бер генә үтенече дә җитәкчелек тарафыннан игътибарсыз калмаячак. Район башлыгы катнашучыларны шулай дип ышандырды.

Аннан соң Зөфәр Галимуллович “Россия пенсионерлар союзы” иҗтимагый оешмасы бүлекчәсе рәисе Фәүзия Иванованы калдырырга тәкъдим итте. Барлык катнашучылар да яклап тавыш бирде.

Отчет җыелышы пенсионерлар союзы хезмәткәрләре белән ел дәвамында активэшләгән оешма җитәкчеләренә мактау грамоталары һәм рәхмәт хатлары тапшыру белән тәмамланды.

ФОТОРЕПОРТАЖНЫ КАРАУ Фоторепортаж

БАРЛЫК ЯҢАЛЫКЛАРНЫ УКУ