Безнең футболчылар лидерларда

Үткән шимбә көнне Кама Тамагы штп "Акчарлак" спорт-сәләмәтләндерү комплексында ирләр командалары арасында мини-футбол буенча ТР чираттагы туры узды. Беренчелек уйнатуы берничә зонада үтә. Идел арты зонасыннан, гаризалар биреп ярышларда Апас, Буа, Кама Тамагы һәм Тәтеш командалары катнаша. Шимбәнең иң популяр саны 5:1 булды. Шундый нәтиҗә белән Кама Тамагы футболчылары Буадан һәм Апастан килүче ярышчыларын җиңделәр. Шундый ук сан белән ярышчыларын җиңеп, Тәтешлеләр дә рекордны кабатладылар. Ярышларның баш реферисы- республика категориясе хакимы Илгиз Гыймадеев.
Хәзерге вакытта, үткән турлардан соң, ун очко җыеп(өч җиңү һәм бер якның да отмавы), группаның лидеры Кама Тамагы командасы булып кала.
Җыелма командаларның алда тагын ике уен калды. Шул очрашу нәтиҗәләре буенча беренчелек финалында катнашучы ике команда билгеләнәчәк.