Иман йортларыбыз арта

2015 елның 18 мае, дүшәмбе
   16 майда Олы Карамал авылында «Иман нуры» дип исемләнгән ачылды. Авылыбыз өстендә яңгыраган азан тавышына күзләргә яшьләр килде, хәтта яңгыр да сибәләп китте. Ниһаять, Олы Карамал авылы да мәчетле булды. 

    Тантанага яше-карты, тирә-як авылларданмуллаларыбыз, хәтта Буадан, Казаннана бик күп кеше кайткан иде. Якташыбыз Хәмит Вәлиди бик матур шигырьләр укыды. Мәчет төзүдә катнашкан, акчалата, материал белән ярдәм иткән, мәчетне төзегәндә башыннан ахырына кадәр бер тиен дә акча алмыйча эшләгәннәргә - барысына да Аллаһы Тәгаләнең чиксез рәхмәтләре булсын. Сәламәтлеге булмаса да бөтен җанын-тәнен биреп йөргән Миндил Касыйм улы Мөхәммәтшинга рәхмәтнең иң олысы. Авыл җирлеге башлыгы Эдуард Байдамшин һәрчак эшнең барышын күзәтеп торды. Авылдашыбыз Артур Әхмәтҗанов нигез салырга бетоннарны Казаннан алып кайтты. Зөфәр Гарәфиев, Рифат Вәлиев, Рамил Галимов төзелеш материаллары белән ярдәм күрсәтте.

  Кирпеч өюдә Роберт Нәҗмиев, Алик Кәримуллин, Марсель Мөхәммәтшин, Ринат Сәфәров зур тырышлык күрсәтте. Алар бу эшне бушлай башкарды. Олы яшьтә булсалар да, Ильяс Нәҗмиев, Мөһим Нәҗмиев, Әхәт Сәгъдиев, Энҗекәй Галимова. Фирая мөхәммәтшина, Расиха Дәүләтшина, Карамал халкына зур рәхмәт, һәрберсе үзенең өлешен кертте. Авылыбыз өстендә азан тавышы яңгырасын, ил-көннәр тыныч булсын, мәчетләребез тулып торсын,. Рәхмәт сезгә авылдашлар, рәхмәт, туган авылым!

Бәрлегуҗа авылыннан Нурания Закирова.

БАРЛЫК ЯҢАЛЫКЛАРНЫ УКУ
ЯҢАЛЫКЛАРГА ЯЗЫЛУ
Район турында мәгълүмат
Документлар
Пресс - хезмәт
Халык мөрәҗәгате
Телефон: 8(84377)2-00-10
E-Mail: Kamuste.Sekretar@tatar.ru
Без социаль челтәрләрдә:
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International