Кама Тамагы муниципаль районы

Рудник мәктәп яны участогы Кама Тамагы районы мәктәпләре арасында иң зурысы

2016 елның 15 августы, дүшәмбе

Рудник мәктәп яны участогы район мәктәпләре арасында иң зурысы, аның мәйданы 0,8 гектар тәшкил итә. Шуңа күрә эш монда бөтен кешегә дә җитә. Укытучылар һәм укучылар “Үзең һәм мәктәп өчен” девизы белән эшли.

Эшкәртелүче территориянең 0,5 гектарга якыны бакча өчен бүленгән.

Мәктәп яны участогы җитәкчесе, биология укытучысы Анастасия Мингалиева сүзләренә караганда, җирне эшкәртергә мәктәпне шефлыкка алган “КУГР” ААҖ бүләк иткән мотокультиватор ярдәм итә. Теплица исә күптән куелган. Шефлыкка алучылар 2011 елда аны поликарбонат белән ябарга ярдәм иткән. Язын монда томат, чәчәк үсентеләре үстерәләр. Шулай ук мәктәп ашханәсендә куллану өчен беренче кыярлар да утырталар.

Бакчада эш иртә яздан башлап көзгә кадәр дәвам итә.

Укытучылар коллективы, 5-11нче сыйныф укучылары һәм мәктәпнең барлык техник хезмәткәрләренең өзлексез су сибеп тору, көч куюы нәтиҗәсендә уңыш мул булырга охшап тора.

"Идел таңнары"

БАРЛЫК ЯҢАЛЫКЛАРНЫ УКУ