Атналык кысаларында

"Игелек атнасы" акциясе районда ике атна дәвамында барды, әмма көндәлек эш тәмамланмады, ул әле дәвам итә.

 - Игелек атнасы вакытында мәктәп һәм балалар бакчаларында дуслык дәресләре, шигырь һәм рәсем бәйгеләре уздырылды, Бөек Ватан сугышы ветераннарына, тыл хезмәтчәннәренә, мөмкинлекләре чикләнгән кешеләргә, ялгыз яшәүче өлкән гражданнарга ярдәм күрсәтелде, - ди мәгариф идарәсе җитәкчесе урынбасары Ирина Кузиева.  - Күп кенә мәктәпләрдә хәйрия ярминкәләре, "Мин - талантлы", "Минем гаиләм Татарстан командасында!" сыйныфтан тыш чаралары булып узды. Мәктәп яны участокларында көзге уңыш җыю буенча зур эш башкарылды. Бу сентябрь безне игелеклерәк булырга өйрәткәндер дип ышанасы килә.