16 иң яхшы Кама Тамагы мәктәп укучылары республика Президент чыршысында катнашырга лаек булды. Ул 25 декабрь көнне "Татнефть-арена"да узачак.
Төп чыршы бәйрәменә, гадәттәгечә, район мәктәпләренең иң лаеклы 7-11 сыйныф укучылары барачак. Бу уку алдынгылары,олимпиада, төрле иҗади конкурслар, спорт ярышлары җиңүчеләре, иҗтимагый тормыш активистлары, шулай ук аз керемле гаиләләрдә тәрбияләнүче, асрамага алынган балалар. Татарстан башкаласында аларны искиткеч шоу-программа, бүләкләр, төрле сюрпризлар һәм башка шәһәрләрдән килгән балалар белән аралашу көтә.