7 февраль көнне Кама Тамагы штп Үзәк мәчетендә Кама Тамагы муниципаль районы авыл җирлекләре имамнары белән мөхтәсибләр утырышы узды. Анда Кама Тамагы муниципаль районы Башлыгы урынбасары Газинур Габидуллин һәм Казан шәһәреннән килгән кунаклар бар иде.
Утырышта киләчәктә сайланачак мөфти, казый һәм аның урынбасары кандидатуралары белән таныштырдылар. Шулай ук 17 апрель көнне узачак Корылтайга бару өчен делегация составы сайланды.