Муниципаль район Башлыгы П.Н.Лоханов крестьян (фермер) хуҗалыкларына кандидатлар белән очрашты

Кама Тамагы муниципаль районында кече хуҗалыкларга ярдәм итү, халыкның үзмәшгульлеген арттыру буенча эш дәвам итә. Әлеге чараларның дәвамы итеп,  18 март көнне  муниципаль район Башлыгы П.Н.Лоханов крестьян (фермер) хуҗалыкларына кандидатлар белән очрашу уздырды.  Очрашуда  авыл хуҗалыгы һәм азык-төлек идарәсе җитәкчесе, белгечләр катнашында фермер хуҗалыкларын оештыру һәм үстерү, авыл хуҗалыгы продукциясен җитештерү һәм сату мәсьәләләре каралды.