15 гыйнварда Кама Тамагы татар урта мәктәбендә 9 сыйныф укучылары катнашында “Моңнар җырчысы” исемле шигърият сәгате үткәрелде
Быел гыйнварда Татарстанның халык шагыйре, Габдулла Тукай исемендәге Дәүләт премиясе лауреаты Илдар Юзеевка 85 яшь тулыр иде.
“Сүз чыгар шагыйрьләрдән хикмәт белән”, - дип юкка гына әйтелмәгән.Илдар Юзеевның сокландыргыч иҗаты әлеге фикерне тулысынча дәлилләп тора. Аның әсәрләре- шигырьме ул, лирик поэмамы, драма әсәреме яисә аның сүзләренә язылган җырмы- һәрчак күңел түренә үтеп керә, дөньяга яңача карарга, аны тирәнрәк аңларга мәҗбүр итә”, - дип Үзәк китапханә китапханәчесе Мәдинә Дәүләтшина шагыйрьнең тормыш юлы һәм иҗаты белән таныштыруны башлап җибәрде. Ул әдипнең төрле елларда иҗат иткән әсәрләренә тукталып, аның җиргә , илгә, кешеләргә, табигатькә гашыйк җырчы шагыйрь булуын билгеләп үтте. Чарада балалар Илдар Юзеевның шигырьләрен сәнгатьле башкарды, китап күргәзмәсенән яңа китаплары белән таныштылар.