Георгий тасмасы «Бөтенроссия акциясе»

2019 елның 30 апреле, сишәмбе

2019 елның 29 апрелендә Татарстан Республикасы Кама Тамагы муниципаль районы Башлыгы каршындагы шәһәр һәм авыл җирлекләре башлыклары, учреждениеләр, предприятие һәм оешма җитәкчеләре белән киңәйтелгән киңәшмә алдыннан волонтерлар киңәшмәдә катнашучыларның барысына да Георгий тасмасы тапшырдылар. Әлеге чара 25 апрельдә старт алган «Георгий тасмасы» Бөтенроссия акциясе кысаларында уза, аның максаты булып гражданнарда патриотик кыйммәтләр, Ватанга һәм аның тарихына ихтирамлы мөнәсәбәт формалаштыру, һәлак булган сугышчылар истәлегенә һәм Бөек Ватан сугышы тарихын фальсификацияләүгә юл куймау һәм аның нәтиҗәләрен саклау тора.