Чәчүлекләрне карау
Район игенчеләре өчен җаваплы чор - чәчүлекләрне эшкәртү вакыты җитте. Җылы һәм яңгырлы һава торышы аркасында авыл хуҗалыгы культуралары чәчүлекләре чүп үләннәреннән, авырулардан һәм корткычлардан җәфа чигә. Чәчүлекләрне вакытында эшкәртмәсәң, уңышның шактый өлешен югалтырга мөмкин. Хуҗалыклардагы басуларда төрле маркадагы үзйөрешле 3 сиптергеч эшли. Бүгенге көндә чүп үләннәренә каршы 2510 гектар чәчүлек эшкәртелгән, авыруларга каршы-705 га, корткычларга каршы-1920 га. «Олы Кариле» АҖ, «НовАгроТех» ҖЧҖ, «Агр " ҖЧҖ хуҗалыкларында чәчүлекләрне эшкәртү яхшы оештырылган. Чәчүлекләрне вакытында һәм нәтиҗәле карау авыл хуҗалыгы культураларының уңдырышлылыгын сизелерлек арттырырга мөмкинлек бирәчәк, шуңа күрә әлеге чараларны вакытында уздыру өчен барлык мөмкинлекләрне файдаланырга кирәк.