Стандартлар буенча авырулар кабул итү

  Капиталь ремонттан соң дәваханәнең авырулар кабул итү бүлеге 365 кв.метрга урнашты. Узган җомгада Татарстан Республикасы сәламәтлек саклау министры урынбасары Ринат Җәләлетдинов җитәкчелегендәге эшче төркем башкарылган эшләрнең күләмен бәяләде.  
  -Агымдагы җәйдә республикада файдалануга тапшырылучы дүртенче авыруларны кабул итү бүлеге бу,-ди Ринат Сәгыйть улы. – Бинаны җыю, бизәкләү, бүлмәләрне җиһазлау - районда бик югары дәрәҗәдә ремонт башкарылганны күрсәтә. Шул ук вакытта төзүчеләргә кайбер кимчелекләрне бетерергә кирәк: тәрәзәләрдә москет сеткалары юк, ишекләр каты ябылмасын өчен җайланма куелмаган, пластик такталар куелса тагын да яхшырак булыр иде, чөнки алар ДСПга карый озаккарак түзә.
  -Барлык бүлмәләргә дә җиһазлар куеп бетерелмәгән, әмма авыруларны кабул итү бүлегендә, авыруларны карау, яраларны бәйләү, диспетчер һәм процедурныйдан кала УЗИ, ФГДС, шокка каршы һәм рентген бүлмәләренә дә урын бирелгән,-ди баш табиб Ильяс Минвәлиев. – Пациентлар өчен санузел “Кулай мохит” программасы таләпләре буенча җиһазландырылган. Авыруларны кабул итү бүлеге бу атнада эшли башлый. 

С.Заһидуллина