Балалар хәрәкәте

  Бирегә Татарстан Республикасының авыр, әмма кызыклы эшкә әзер оешмалары активистлары һәм әгъзалары җыелган иде. Яшьләр үзәгендә безне сменаның оештыру комитеты әгъзалары, «Кадрлар резервы»нда катнашучылар каршы алды. Урнашып һәм төшке ашны ашап, без урамга чыктык, анда безне күңелле сюрприз  көтә иде - «Кадрлар резервы» республика проекты тренерлары гадәти булмаган «Веревочный курс» үткәрде.Әлеге курс аркасында без бер-беребезне тыңларга, тоярга һәм аңларга тырыштык. Үзебезне дөрес тотарга һәм командада дөрес эшләргә өйрәндек. Балалар оешмалары советы республиканың барлык иҗтимагый берләшмәләрен берләштерә. Көзге смена дәвамында без Татарстан Республикасы балалар хәрәкәтендә булган проблемаларны тикшердек һәм аларны хәл итү юлларын эзләдек. Аннары  катнашучылар эшчәнлек юнәлешләре буенча экспертлар белән  очрашты. Балалар мәдәният, патриотлык, мәгариф, эшмәкәрлек, социаль яклау һәм волонтерлык эшчәнлеге комитетларындагы балалар экспертлар белән зур сандагы проблемаларны тикшереп, ахырдан «кадрлар кытлыгы» проблемасы республикабызда балалар хәрәкәтен үстерүгә комачаулаучы төп проблемаларның берсе дигән нәтиҗәгә килдек. Әлеге мәсьәләне төрле яклап тикшереп, без педагог-оештыручы турыдан-туры балалар берләшмәсендә эшләүче төп кадр булырга тиеш дигән нәтиҗәгә килдек. Әмма моның өчен аның функциясен үзгәртергә кирәк, әлеге үзгәрешне норматив-хокук актларында ныгытырга кирәк. Гомумән алганда, яхшы эшләдек, дип тулы ышаныч белән әйтә алабыз. Хәзер без әлеге мәсьәләдә республика җитәкчелеге хуплавына өметләнәбез.
«СДО»ның киләсе очрашуы ноябрьдә - ТР яшь гражданнары форумында булачак.