Кама Тамагы муниципаль районында «Богородский рай» халыкка социаль хезмәт күрсәтү үзәге дәүләт автоном социаль хезмәт күрсәтү учреждениесе - «Укытучы сүзе горур яңгырый»
2019 елның 4 октябрендә Өлкәннәр декадасы кысаларында «Богородский рай» халыкка социаль хезмәт күрсәтү комплекслы үзәге социаль хезмәт күрсәтү бүлекчәсенең социаль хезмәткәрләре шәһәр тибындагы поселокның гомуми белем бирү мәктәпләре укучылары белән берлектә шәһәр тибындагы поселокта Кама Тамагы штп һәм Тәмте авылында социаль хезмәт алучыларның өйләренә барып, укытучылар көненә багышланган «Укытучы сүзе горур яңгырый» дип исемләнгән чара оештырылды.
Чара бик матур узды, укучылар шигырьләр сөйләделәр, җырлар җырладылар, социаль хезмәткәрләр үз куллары белән ясаган истәлекле сувенирлар бүләк иттеләр, шулай ук өстәл, төрле сый-нигъмәтләр белән сыйладылар.
Олы яшьтәге гражданнар бик тырыштылар, котлау, игелекле караш һәм игътибар өчен чын күңелдән рәхмәт әйттеләр.
Мәкалә авторы Илсөяр Сабирова, Фото-Марина Чубынина