Кама Тамагы муниципаль районы сезонлы авыл хуҗалыгы ярминкәләрендә катнаша
Татарстан Республикасы Авыл хуҗалыгы һәм азык-төлек министрлыгы тарафыннан расланган график буенча Кама Тамагы муниципаль районы ике атнага бер тапкыр сезонлы авыл хуҗалыгы ярминкәләрендә - җирле авыл хуҗалыгы товар җитештерүчеләреннән киметелгән бәяләрдән продуктларны киңәйтелгән сатуда катнаша.
26 октябрьдә район чираттагы тапкыр ярминкәдә катнашты. Сәүдә мәйданчыгы Краснококшайский ур., 152/2 адресы буенча урнашкан «Җиләкле бистәсе» сәүдә үзәге каршында оештырылган иде. Ярминкәдә безнең районнан «Камская «Агрофирмасы» ҖЧҖ, «Тәмте «Агрофирмасы» ҖЧҖ, «Бортас «Агрофирмасы» ҖЧҖ, РайПО, «Кама ХПП» ҖЧҖ, «Юмарт» ҖЧҖ, шәхси эшмәкәрләр, 10 авыл җирлеге, шәхси ярдәмче хуҗалыклар, крестьян-фермер хуҗалыклары катнашты. Товарларның киң ассортименты тәкъдим ителде: ит, сөт, йомырка, бал, балык, камыр ризыклары, бәрәңге, кишер, суган, алма, бөртекле фураж, печән, салам, бодай, арпа, арыш, борчак, солы һ.б. Гатауллин ит, Сафин бал, Яруллин иван-чәй, «Кече Мәрәтхуҗа» җитештерү кооперативы сөт сатты. Барлыгы 1,5 млн. сумлык продукция китерелде. Матур бизәлеш, сатучыларның сатып алучыларга карата әдәпле мөрәҗәгать итүе, ассортиментның төрлелеге шәһәрлеләрне җәлеп итә. Өстәвенә, авыл хуҗалыгы продукциясенә бәяләр дә шактый арзан, шуңа күрә шәһәр халкы тәкъдим ителгән продукцияне бик теләп һәм рәхмәт белән сатып ала.