2019 елның 1 ноябреннән 3 ноябренә кадәр Су спорт төрләре сараенда йөзү буенча FINA Дөнья Кубогының алтынчы этабы узачак

2019 елның 29 октябре, сишәмбе

2019 елның 1 ноябреннән 3 ноябренә кадәр Су спорт төрләре сараенда (с.Хәким ур., 70 йорт) йөзү буенча FINA Дөнья Кубогының алтынчы этабы узачак.

Йөзү буенча дөнья кубогы халыкара Су спорт төрләре федерациясе (FINA) тарафыннан уздырыла һәм өч төбәк кластерына бүленгән җиде этаптан тора. Казанда өченче кластерның беренче этабы узачак.

Өч көнлек ярышлар программасы 32 индивидуаль дистанцияне (ирекле стиль, аркада, баттерфляй һәм комплекслы йөзү), шулай ук ике эстафетаны (ирекле стиль һәм комплекслы йөзү) үз эченә ала.

Чарага билетлар сату һәм расписание турында тулырак мәгълүмат «Спорт һәм социаль проектлар дирекциясе» КБАО www.dspkazan.com сайтында урнаштырылган.