«Киләчәк өчен үткәннәр турында» тарихи экскурсия

2019 елның 5 ноябре, сишәмбе

Балтач авыл китапханәсендә балалар Татарстанның тарихи үткәненә багышланган «Киләчәк өчен үткәннәр турында» дип исемләнгән мавыктыргыч сәяхәт ясадылар. Китапханәче Республикабызның тарихы, традицияләре, гореф-гадәтләре һәм мәдәнияте, Татарстанның хәзерге вакытта ничек үсеш алуы турында сөйләде.

Балалар «ТАССР тарихы сәхифәләре буйлап» дип аталган танып-белү викторинасында актив катнаштылар.

Чараның максаты булып үсеп килүче буында туган якка карата танып-белү кызыксынуы һәм патриотик хисләрне үстерү, ТАССР оешу тарихы турында белемнәрне ныгыту тора.