Толерантлык көне Затон поселогы китапханәсендә узды
Халыкара толерантлык көне ел саен 16 ноябрьдә билгеләп үтелә. Бу бәйрәм ЮНЕСКО «Түземлелек принциплары декларациясе» ндә тантаналы төстә игълан ителде. Толерантлык мәсьәләсе хәзер бөтен дөньяның игътибар үзәгендә. “Толерантлык” төшенчәсе балалар белән генә түгел, өлкәннәр тарафыннан да төрлечә кабул ителә, әмма балаларга толерантлык нәрсә икәнлеген аңлау бик мөһим.
Бу бәйрәм алдыннан Затон поселогы китапханәсе кадет интернат-мәктәбенең 5 сыйныф укучылары өчен «Халыклар төрлелеге - мәдәниятләр төрлелеге» библио-глобус үткәрде.
Балалар «толерантлык» төшенчәсе, аның барлыкка килү тарихы белән таныштылар, толерант тәртип принципларын билгеләделәр. « Ә минемчә...» һәм «Без нәрсә белән охшаш»уеннары аеруча кызыксыну уятты.
Укучылар бер-берсенә һәм чит кеше фикеренә түземлек тәрбияләргә кирәклеге турында нәтиҗә ясадылар. Мондый очрашулар балалар файдасына булыр дип өметләнәбез.