ИХО илләренең VI Казан яшь эшмәкәрләр форумында катнашу өчен гаризалар җыю бара
2020 елның 14-20 июнь көннәрендә Казанда ИХО илләренең VI Казан яшь эшмәкәрләр форумы узачак. Форумда IT-стартап идеяләрен гамәлгә ашыру өчен яңа бизнес-контактлар һәм инвестицияләр табу белән кызыксынган иң яхшы проектлар авторлары катнашачак.
Ислам хезмәттәшлеге оешмасының Казан яшь эшмәкәрләр форумы-ИХО яшьләр форумы һәм Татарстан Республикасы Хөкүмәтенең уртак инициативасы. 2014 елдан башлап Форум ел саен, ИХО илләреннән һәм Россия Федерациясеннән йөзләгән стартап, инвесторлар һәм тармак экспертларын җәлеп итеп үткәрелә. Чара елдан - ел киң колач җәя бара. 2012 елдан 2019 елга кадәр форумда 50 илдән 700 дән артык вәкил катнашты, ә җәлеп ителгән инвестицияләр саны 2 млн доллардан артып китте. Спикерлар һәм экспертлар-стартапларга нигез салучылар, венчур капиталистлары, Россиядә һәм бөтен дөнья буенча алдынгы технологик фирмалардан C-Класс җитәкчеләре.
ИХО илләренең VI Казан яшь эшмәкәрләр форумы халыкара эшлекле һәм социаль элемтәләрне киңәйтергә мөмкинлек бирәчәк. Иң яхшы проектлар Россия һәм ИХО илләренең XI Халыкара икътисади саммиты – KazanSummit 2020 кысаларында инвесторларга тәкъдим ителәчәк.
Форум программасы инглиз телендә бара һәм 2 ай дистанцион укыту, шулай ук тренерлар белән дистанцион эш алып барачак.
Форумда 18 яшьтән алып 35 яшькә кадәр булган яшьләр катнаша ала. Форумда катнашу өчен гаризалар 2020 елның 31 мартына кадәр https://kazanoicstartups.org/ сайтта кабул ителә.