Шугаева Валентина Сергеевнаның 90 яшьлек юбилее
Бүген, 2020 елның 20 маенда, Шугаева Валентина Сергеевнаны 90 яшьлек юбилее белән Кама Тамагы муниципаль районы Башлыгы Наил Альбертович Вазыйхов, Кама Тамагы штп Башлыгы Владимир Павлович Сороковнин һәм Башкарма комитет җитәкчесенең социаль мәсьәләләр буенча урынбасары Елена Владимировна Сороковнина котладылар.
Валентина Сергеевнага чәчәкләр, истәлекле бүләкләр һәм Россия Федерациясе Президенты В.В. Путин исеменнән котлаулар тапшырылды.
Валентина Сергеевна 1930 елның 20 маенда Лаеш районының Карташиха авылында туа.
Әнисе - Анна Петровна, колхозчы. Әтисе - Сергей Ефимович, печник.
Гаиләдә алты бала була, ә икесе – энесе Иван һәм ул гына исән кала.
Бик ярлы яшәгәннәр. Мәктәптә укыган. Сугыш вакытында аңа башка балалары белән бергә колхоз кырында, иген сугуда эшләргә, окоп казырга, урман әзерләүдә хезмәт куярга туры килә.
Сугыштан соң гаилә Кама Тамагына күченә. Ветеринария шифаханәсендә, аннан соң кошчылык фермасында эшләргә туры килә. 1953 елда Дыренков Николай Яковлевичка кияүгә чыга. Ул «Ленинград» пароходында беренче штурман булып эшли. Валентина Сергеевна шунда ук официант булып эшләде.
1955 елда улы Петр туа. Аңа өч ай булганда, әтисе пароходтагы авария вакытында һәлак булган.
Улны үстерүе авыр булган, әти-әниләре ярдәм иткән. Ашханәдә официантка булып эшләгән. Аннан чәчтарашка укыган. Аңа кешеләрне матур итү бик ошаган. Шуңа күрә халык күп йөргән, эш көне нормага салынмаган, ял һәм бәйрәм көннәре булмаган диярлек. 30 елдан артык чәчтараш булып эшли, мөдир булып, аннан соң яшьләргә үз осталыгын өйрәтә.
Күпьеллык һәм авыр хезмәте өчен «Коммунистик хезмәт ударнигы» исеменә, «Көнкүреш хезмәте күрсәтүнең иң яхшы хезмәткәре» исеменнәренә лаек булды.
1964 елда Шугаев Анатолий Алексеевичка кияүгә чыга һәм кызы Нина туа. 1987 елда лаеклы ялга чыга. Аның өч оныгы һәм өч оныкчыгы бар.
Валентина Сергеевна, тыл хезмәтчәне буларак, Бөек Ватан сугышының юбилей медальләре белән бүләкләнде.