Хәмзина Мөнирә Заһидулла кызы 90 яшьлек юбилее
2020 елның 16 июнендә Кама Тамагы муниципаль районы Башлыгы Наил Альберт улы Вазыйхов, Иске Барыш авыл җирлеге башлыгы Илшат Рәхимҗан улы Җиһаншин һәм Башкарма комитет җитәкчесенең социаль мәсьәләләр буенча урынбасары Елена Владимировна Сороковнина Хамзина Мөнирә Заһидулла кызын 90 яшьлек юбилее белән котладылар.
Мөнирә Заһидулла кызына чәчәкләр, истәлекле бүләкләр һәм Россия Федерациясе Президенты В.В. Путин исеменнән котлаулар тапшырылды.
Хәмзина Мөнирә Заһидулла кызы 1930 елның 16 июнендә Кама Тамагы районының Картапа авылында туа, гаиләдә 3 бала була. Иске Барыш мәктәбендә җиде сыйныф тәмамлый. Укуын тәмамлагач, фермага сыер савучы булып урнаша. Авыр сугыш еллары һәм сугыштан соңгы еллар кичерде, Мулта урманнарында урман кисүдә катнашты.
1954 елда Иске Барыш авылыннан Хәмзин Әхмәт Минзетдин улына кияүгә чыга. Гаиләдә 2 бала туды. 36 яшендә тол калган, үзе балаларын: улы Гомәр һәм кызы Мөслимәне үстергән.
1954 елдан кошчылык фабрикасында эшли башлый, 1973 елдан бозау караучы булып эшли. 1984 елда Мөнирә Заһидулла кызы лаеклы ялга чыга. Ул һәрвакыт тырышлыгы һәм хезмәт сөючәнлеге белән аерылып торды, шулай ук балаларын да тәрбияләде. «СССР халык хуҗалыгында уңыш өчен» Бронза медале, «Озак еллар намуслы хезмәте өчен» медале (Хезмәт ветераны), «10 бишьеллык ударнигы», «21 бишьеллык ударнигы»медале. Шулай ук медальләр: Җиңүнең 50 еллыгы, Җиңүнең 55 еллыгы, Җиңүнең 60 еллыгы, 65 ел, 70 ел һәм Бөек Ватан сугышында Җиңүнең 75 еллыгы медальләргә лаек булды.
Мөнирә Заһидулла кызының 4 оныгы һәм 7 оныкчыгы бар. Иске Барыш авылында улы һәм килене белән яши.