Ачык һавада китапханә

2020 елның 13 августы, пәнҗешәмбе

       Җәйге каникуллар - ял, күңел ачу һәм ,әлбәттә, иң кызыклы китаплар уку вакыты. Җәй - әдәбият белән аралашу өчен уникаль мөмкинлек.

       Кече Салтык авыл китапханәсендә җәйге каникул вакытында саф һавада «Җәйге уку» программасы буенча китап белән эш алып бару күркәм гадәткә әверелде.

       Җәйге уку заллары - җылы көнне кулларда китап белән үткәрү, бер-берең белән очрашу һәм аралашу мөмкинлеге ул. Бу бик уңайлы. Балалар саф һавада, күзәтү астында торалар.