Балаларны көзге куркынычсызлыкка әзерләү
Район уку йортларында Россия ГТХМ белән берлектә игълан ителгән иминлек айлыгы үткәрү сәбәпле һәм 2020 елның көзге чорында су объектларында кешеләрнең тормыш куркынычсызлыгын тәэмин итү чараларын тормышка ашыру кысаларында Кама Тамагы инспекторлык участогы тарафыннан ТР буенча Россия ГТХМ Баш идарәсенең ГИМС Үзәге билгеле бер эш алып барыла.
2020 елның 4 сентябрендә 8 сәгатьтә Кама Тамагы урта гомуми белем бирү мәктәбендә» Татарстан Республикасы буенча Россия ГТХМ ГИМС Үзәге «ФКУ Кама Тамагы инспекторлык участогы дәүләт инспекторы Нияз Нуриев 2 нче сыйныф укучылары һәм укытучылары арасында ачык тормыш иминлеге нигезләре дәресе үткәрде.
Очрашу укучыларны һәм укытучыларны яңа уку елы башлану белән котлау белән башланып китте .
Мәгълүмати-укыту чараларын үткәрү барышында ГИМС хезмәткәре балаларны ГИМС эшчәнлеге, республикада һәм районда оператив хәлләр ,су объектларында үткәрелә торган чаралар, көзге чорда су объектларында кешеләр куркынычсызлыгы кагыйдәләре белән таныштырды. Чараларда барлыгы 27 кеше катнашты.
Ачык дәреснең максаты балаларны, бәхетсезлек очракларын булдырмас өчен, суда үз-үзеңне тоту кагыйдәләре, гадәттән тыш хәл килеп туган очракта гамәлләр алгоритмы белән таныштыру иде. Инспекторлык участогы хезмәткәре балаларга яхшы укуларын һәм көндәлек тормышта иминлек теләде.