«Иң яхшы һөнәр – китапханәче» дип исемләнгән белгеч көне узды

2020 елның 11 ноябре, чәршәмбе

Кама Тамагы районы үзәк китапханәсендә «Иң яхшы һөнәр – китапханәче»дип исемләнгән белгеч көне узды.

Чарада Кама Тамагы урта мәктәбенең 8 Б сыйныф укучылары (сыйныф җитәкчесе Шакирова Л.и.) катнашты. Җыелучылар игътибарына мультимедиа презентациясе тәкъдим ителде, анда иң борынгы һөнәрләрнең берсе – китапханәче һөнәре турында сөйләнде.

Хезмәткәрләр укучылар белән һөнәри юнәлеш бирү буенча әңгәмә үткәрделәр, китапханәче һөнәренең тарихы һәм бүгенге үзенчәлекләре турында сөйләделәр.

Чара ахырында китапханә бүлекләре буйлап экскурсия үткәрелде.