Сөлге укыйбыз
Элекке вакытта һәр сызык, һәр сызым, төс - барысы да нәрсәнеңдер символикасы булып, еш кына тарих өлгесе булып хезмәт иткән. Җитен сөлгеләре күп гасырлар дәвамында иң популяр мирас булгандыр, мөгаен. Алар кешене гомер буе – тумыштан алып вафатына кадәр, төрле тормыш вакыйгаларында, хезмәт һәм бәйрәмнәрдә озатып йөргән.
Район туган якны өйрәнү музеенда борынгы йолаларны саклап, бүгенгесе конгә китереп җиткергән, тукымадан эшләнгән, чигелгән сөлгеләр күп саклана. Алар безнең музейның алтын фондын тәшкил итәләр, чөнки җитен сөлгеләре бизәкләрен укып, халык тарихын укыйбыз, ата-бабаларыбызның гореф-гадәтләре һәм йолалары турында беләбез.
Чигелгән сөлгеләр, ул Идел буе халыкларының гаилә-нәселен төгәл чагылдыра. Кызганычка каршы, бу календарьның күп кенә «битләре» югалган. Ә бит әле 20 гасыр башында ук бер генә йола һәм бәйрәм дә сөлгеләрсез үтмәде.
Бүген музейда борынгы сөлгеләр – XIX гасыр ахыры-XX гасыр башы татар һәм рус рәсемнәре куелган. Кулдагы изге әйберләр элек-электән йорт бизәге булып тора, аңа уңайлылык алып килә, хуҗаларының алтын куллары нәрсәгә сәләтле булуын күрсәтә.
Бүгенге көнгә кадәр бу иҗат төренә мөрәҗәгать итү традициясе яши. Музейга килүчеләр хөкеменә тәкъдим ителгән заманча кул эшләре үрнәкләре дә шуны раслый.