Татарстан Республикасы мәшгульлек үзәкләре “Россиядә эш” цифрлы платформасына күчә
Төбәк халкы Россиядә беренчеләрдән булып эш эзләү өчен мәшгульлек үзәкләренең электрон хезмәтләреннән файдалана алачак. Татарстан Республикасы эш бирүчеләре шулай ук “Россиядә эш” порталы аша персонал сайлый алачак. Бу кадрлар үзәкләренең мәшгульлек өлкәсендә бердәм цифрлы платформага күчүе нәтиҗәсендә мөмкин булды.
18 ноябрьдән эш табарга теләүчеләр электрон форматта хезмәт алырга мөмкин. Мондый гражданнарга "Россиядә эш" сайтына керү, гаризаны тутыру һәм аңа, квалификация дәрәҗәсе һәм эш стажы турында белешмәләр күрсәтеп, резюме беркетү дә җитә. Туры килгән вакансияләрне эзләү автомат рәвештә, мәгълүматларның интеллектуаль анализы нигезендә узачак.
Мәшгульлек үзәкләре эшенең яңа форматы гражданнарны күпчелек документлар күрсәтүдән азат итәчәк. Шулай итеп, хезмәт кенәгәсен, яшәү урыны буенча белем һәм теркәлү турында белешмәләр бирү бүтән таләп ителми. Әлеге мәгълүматлар ведомствоара хезмәттәшлек ярдәмендә системага керәчәк.
Әгәр порталда эшләү буенча консультация кирәк булса, гражданнар мәшгульлек үзәкләре белгечләренә мөрәҗәгать итә ала, һәм алар (84377) 2-14-67 телефоны буенча ярдәм күрсәтәчәкләр. Кадрлар үзәгенә бары тик эшсезлек буенча пособие алырга дәгъва кылучыларга гына килергә кирәк, очрашу билгеләгәннән соң мәшгульлек үзәге белгече тарафыннан. Исәпкә куелу өчен гаризаны электрон рәвештә “Россиядә эш” порталы аша бирергә мөмкин. Моны эш белән тәэмин итү үзәге белгече билгеләгәннән соң эшсез дип тану турында карар кабул итү өчен эшләргә кирәк.
Хәзер эш бирүчеләр шулай ук кадрларны электрон рәвештә сайлап алу турындагы сорауны җибәрергә мөмкин. Кирәкле хезмәткәрләрне эзләүгә “Россиядә эш” порталының шәхси кабинеты аша кадрлар консультантлары ярдәм итәчәк. Бердәм цифрлы платформа аша базада яңа резюме турында хәбәрләр алу гына түгел, ә кайтавазлар һәм тәкъдимнәр кабул итү, кандидатлар белән аралашу, әңгәмәләргә теләктәшләр чакыру да мөмкин булачак.
Исегезгә төшерәбез, 2020 елның апрелендә кабул ителгән Вакытлы кагыйдәләр РФ Хөкүмәтенең 2021 елның 2 декабрендәге 1909 номерлы карары кысаларында билгеләнгән беренче 19 субъекты өчен генә гамәлдән чыгарылды. Калган төбәкләр проектка киләсе елның гыйнварыннан кушылачак. Мәскәү яңа форматта хезмәт күрсәтүгә 2023 елдан керешәчәк.
Белешмә:
Халыкны эш белән тәэмин итү үзәкләрен модернизацияләү - ул халыкның эш белән тәэмин итү буенча төбәк үзәкләре эшенең нәтиҗәлелеген һәм сыйфатын күтәрүгә юнәлдерелгән дәүләт проекты. Хәзер проектта 61 төбәктән 130 мәшгульлек үзәге катнаша.
Проект бердәм эш стандартларына күчүне күздә тота. Проект кысаларында мәшгульлек үзәкләрендә карьера һәм кадрлар консультациясе буенча сервис барлыкка килә, ә мәшгульлек үзәкләре үзләре бөтен ил өчен бердәм платформада эшләячәк.
Карьера консультантлары үзәкләре кадрлар хезмәтләренең тулы спектрын бирүгә йөз тотачак - резюме бизәүдә һәм вакансия сайлауда ярдәмнән алып үсешнең карьера траекториясен төзүгә кадәр. Һәр конкрет эш бирүчегә беркетелгән кадрлар консультантлары аларга теләгән кандидатларны сайларга ярдәм итәчәк.