Рудник урта мәктәбе укучылары өчен Әниләр көненә багышланган Мастер-класслар

2021 елның 29 ноябре, дүшәмбе

Әниләр көне алдыннан «МастерОк» клубы кысаларында Кама Тамагы м.р. балалар китапханәсе хезмәткәрләре Рудник урта мәктәбенең 1,2 һәм 3 сыйныф укучылары өчен мастер-класслар үткәрделәр.

Кул эше бик кыйммәтле бүләк, бигрәк тә балалар үз куллары белән эшлиләр һәм якыннарына, туганнарына бүләк итәләр . Мастер-класста катнашучылар төсле кәгазь, клей һәм кайчы ярдәмендә матур эшләнмәләр ясадылар. Бүләкләр матур килеп чыкты, чөнки балалар үзләренең мәхәббәтләрен һәм назларын бүләк ясаганда керттеләр.